Yengil atletikachilarimizning Yevropa maydonlaridagi muvaffaqiyatli ishtiroki davom etadi. Tokio-2020 ishtirokchisi Darya Reznichenko bu gal Finlyandiyaning Espoo shahrida oʻtgan turnirda gʻalaba qozondi.

“Espoo Motonet GP” musobaqasida atletimiz uzunlikka sakrash dasturida qatnashdi. Oʻzining ikkinchi urinishda Darya 6,20 metr natija qayd etdi. Musobaqada ishtirok etgan hech bir sportchi ushbu natijani yaxshilay olmadi va hamyurtimiz turnir gʻolibiga aylandi.

“Espoo Motonet GP” turniri
Uzunlikka sakrash, ayollar

1. Darya Reznichenko (Oʻzbekiston) – 6,20
2. Jessika Kaxara (Finlyandiya) – 6,08
3. Saga Vanninen (Finlyandiya) – 6,07