Mirzo Ulugʻbek nomidagi Oʻzbekiston Milliy universitetida regbi-7 boʻyicha qizlar oʻrtasida “Talabalar ligasi” boʻlib oʻtdi. Unda Respublikamizda tahsil olayotgan 7 oliy oʻquv yurti talabalari oʻzaro bahs olib borishdi.

Kutilganidek, bosh sovrin Oʻzbekiston Davlat Jismoniy tarbiya va sport universitetiga nasib etdi. Ikkinchi oʻrinni Nukus Davlat universiteti talabalari egallagan boʻlsa, mezbonlar kuchli uchlikni yakunlab berishdi.

Taʼkidlash joiz, musobaqani aynan regbi-7 yoʻnalishida oʻtkazishdan maqsad talabalar oʻrtasida ushbu Olimpiya sport turini targʻib qilish, iqtidorli yoshlarni saralashdir. Turnir yakunida gʻolib va sovrindorlar munosib tadiqrlanishdi.