Yosh futbolchilarimizning Osiyo kubogi oldidan soʻnggi mashgʻuloti MOQ obyektivida
Ertaga mamlakatimizda 23 yoshgacha boʻlgan futbolchilar oʻrtasida Osiyo kubogi star oladi. Bugun Temur Kapadze boshchiligidagi jamoamizning musobaqa oldidan “JAR” stadionida soʻnggi rasmiy mashgʻuloti boʻlib oʻtdi.
“A” guruhidan oʻrin olgan yoshlarimiz dastlabki bahsni Turkmanistonga qarshi oʻtkazishadi. Bugungi mashgʻulotlar davomida Temur Kapadze shogirdlarining boʻlajak bellashuvga qanday tayyor ekanligini koʻzdan kechirdi.
Turnir oldidan yigitlarimizning kayfiyati aʼlo. Ishonamizki, ular birinchi turni koʻtarinki ruhda oʻtkazib, bosh sovrin sari gʻolibona yurishlarini davom ettirishadi.
Eslatib oʻtamiz, “A” guruhi 1-turidan oʻrin olgan Oʻzbekiston va Turkmaniston yoshlar jamoalarining oʻyini ertaga soat 20:30 da “Paxtakor” markaziy stadionida boshlanadi.
