Ilhomjon Tursunaliyevni tabriklaymiz!
Bugun Jismoniy tarbiya va sport boʻyicha mutaxassislarni qayta tayyorlash va malaka oshirish instituti rahbari, professor Ilhomjon Tursunaliyev tavallud ayyomini nishonlamoqda.
Ilhomjon Ahmedovich Tursunaliyev 1971-yil Fargʻona viloyatida dunyoga kelgan. 1996-yil Fargʻona Davlat universitetining Jismoniy tarbiya yoʻnalishini tamomladi. Shundan soʻng viloyat BOʻSMda turli lavozimlarda, 2006-2015-yillar Fargʻona OZKda direktor sifatida samarali faoliyat koʻrsatdi. 2015-yildan beri Jismoniy tarbiya va sport boʻyicha mutaxassislarni qayta tayyorlash va malaka oshirish instituti rahbari sifatida ishlab kelmoqda. Ilhomjon Ahmedovich 2021-yil Jismoniy tarbiya oʻqitish nazariyasi va metodikasi ixtisosligi boʻyicha professor ilmiy unvoniga ega boʻlgan.
Oʻzbekiston Milliy Olimpiya qoʻmitasi Ilhomjon Tursunaliyevni tavallud ayyomi bilan tabriklab, u kishiga uzoq umr va sihat-salomatlik tilab qoladi.
