Fransiya terma jamoasi va PSJ klubi hujumchisi Kilian Mbappe 2 yildan soʻng oʻz yurtida boʻlib oʻtadigan Olimpiya oʻyinlarida ishtirok etmoqchi. Bu haqida Xalqaro Olimpiya qoʻmitasi maʼlum qildi.

Manbada aytilishicha, Olimpiya oʻyinlarida toʻp tepish futbolchining bolalikdagi orzusi. Bu haqida 2018-yilgi jahon chempioni Kilianning oʻzi shunday deydi:

“Jamoam bilan yangi shartnoma imzolanayotgan vaqtda Olimpiadada qatnashishim haqida kelishib olingan. Bu mamlakatimiz sporti uchun katta voqelik. 1924-yilgi Olimpiadadan roppa-rosa 100-yil oʻtib Parij yana 4 yillikning eng muhim sport musobaqasini qabul qiladi. 2012-yil Londonda oʻtgan bahslarni tomosha qilar ekanman, menda Olimpiya oʻyinlarida oʻynash istagi paydo boʻlgan. Menimcha bu har qanday futbolchining orzusi. Umid qilamanki, bu imkoniyat menga nasib etadi”.