Oʻzbekiston taekvondo assotsiatsiyasiga qarashli “Universal” sport majmuasida professor Baek Mun-Jong sovrini uchun anʼanaviy oʻtkazib kelinadigan xalqaro musobaqa boʻlib oʻtdi.

Oʻzbekiston taekvondo assotsiatsiyasi matbuot xizmatining maʼlum qilishicha, turnir bu yil 13 bor oʻtkazildi. Unda barcha viloyatlar hamda qoʻshni Qozogʻiston, Tojikiston, Qirgʻiziston Respublikalaridan tashrif buyurgan 900 nafar sportchi ishtirok etdi. Reglamentga koʻra, bahslar kadetlar, oʻsmirlar, kattalar oʻrtasida kyorugi va pumse boʻyicha oʻtkazildi. Quvonarlisi, musobaqa yakunida umumjamoa hisobida hamyurtlarimiz birinchi oʻrinni egallashdi.

Umumjamoa hisobida kuchli uchlik quyidagicha koʻrinish oldi:

1. Oʻzbekiston
2. Qozogʻiston
3. Tojikiston