Dzyudochilarimizning Tbilisi “Katta dubulg‘a” turnirida qatnashadigan tarkibi ma’lum
Qisqa tanaffusdan so‘ng dzyudo yana qaytmoqda. 3-5 iyun kunlari Gruziya poytaxti dzyudo bo‘yicha “Katta dubulg‘a” turniriga mezbonlik qiladi. Dunyoning 38 davlatidan 300 nafarga yaqin sara polvonlar ishtirok etadigan mazkur musobaqada terma jamoamiz vakillari ham qatnashadi.
Ilias Iliadis boshchiligidagi jamoamiz ayni paytda Samarqandda bo‘lajak startga so‘nggi tayyorgarlikni olib bormoqda. Murabbiylar shtabining qaroriga ko‘ra, Tbilisi musobaqasida deyarli zaxira vakillaridan iborat erkaklar terma jamoamiz qatnashadi. Bu orqali ularga jahon reytingi uchun qimmatli ochkolarini jamg‘arib olish imkoniyati taqdim qilinmoqda. To‘liq tarkib quyidagicha:
-60 kg: Dilshodbek Baratov
-60 kg: Mirzohid Mahammadjonov
-66 kg: Muhriddin Tilovov
-66 kg: Bobur Vadjiyev
-73 kg: Obidxon Noʻmonov
-73 kg: Murodjon Yo‘ldoshev
-81 kg: Sharofiddin Boltaboyev
-81 kg: Ulug‘bek O‘roqov
-90 kg: Bahodir Panjiyev
-90 kg: Jaloliddin Qurbonmurodov
-100 kg: Otabek To‘raboyev
+100 kg: Alisher Yusupov
+100 kg: Shohruh Baxtiyorov
