Joriy yilning 15-25-iyul kunlari poytaxtimizda ogʻir atletika boʻyicha oʻsmirlar va yoshlar oʻrtasida navbatdagi qitʼa chempionati oʻtkaziladi. Kecha Osiyo ogʻir atletika federatsiyasi mazkur chempionat ishtirokchilari uchun dastlabki talabnomalar muddati yakunlanganligini eʼlon qildi.

Taqdim etilgan talabnomalarda 25 ta davlatdan 400 nafardan ziyod ishtirokchi toʻgʻrisida maʼlumotlar jamlangan. Unda 200 nafarga yaqin oʻsmirlar, shuningdek, 250 nafardan ortiq yoshlar oltin medallar uchun kurash olib borishi keltirilgan.

Oʻzbekiston ogʻir atletika federatsiyasi maʼlum qilishicha, boʻlajak bahslarda 40 nafardan ziyod yosh atletlarimiz yurtimiz sharafini himoya qiladi. Kecha Osiyo chempionatini oʻtkazish tashkiliy qoʻmitasi musobaqa ramzini ham eʼlon qildi.