25 May 2022
1184
Hikmatilloh Toʻrayevni tabriklaymiz!
Bugun dzyudo boʻyicha Oʻzbekiston terma jamoasi aʼzosi Hikmatilloh Toʻrayev tavallud ayyomini nishonlamoqda.
Hikmatilloh Toʻrayev 1995-yil 25-may kuni Surxondaryo viloyatida tavallud topgan. Dzyudo boʻyicha Gran-pri, “Katta dubulgʻa”, "Masters" kabi turnirlarining bir necha karra gʻolib va sovrindori. -73 kg vazn toifasida Tokio-2020 Olimpiya oʻyinlarida yurtimiz sharafini himoya qilgan. Mahoratli polvonimiz ayni paytda ushbu vazn toifasida jahon reytingining sakkizinchi pogʻonasini egallab turibdi.
Oʻzbekiston Milliy Olimpiya qoʻmitasi sportchimizni bugungi tavallud kuni bilan tabriklab, unga uzoq umr, sihat-salomatlik va yangi gʻalabalar tilab qoladi.
