Oʻzbekiston qilichbozlik federatsiyasi raisi Rustam Shoabdurahmonovni tabriklaymiz!
Bugun Oʻzbekiston qilichbozlik federatsiyasi raisi Rustam Shoabdurahmonov 60 yoshni qarshi olmoqda.
Rustam Mavzurovich Shoabdurahmonov 1962-yil, 24-may kuni Toshkent shahrida dunyoga kelgan. Uzoq yillik faoliyati davomida Toshkent shahar hokimi, Oʻzbekiston tennis federatsiyasi vitse-prezidenti, Milliy Olimpiya qoʻmitasi raisi sifatida mamlakatimizda jismoniy tarbiya va sport sohasini rivojlantirish, yoshlar orasida sogʻlom turmush tarzini targʻib qilishga ulkan hissa qoʻshgan.
Hozirda Osiyo qilichbozlik konfederatsiyasi vitse-prezidenti, Markaziy Osiyo qilichbozlik konfederatsiyasi va Oʻzbekiston qilichbozlik federatsiyasi raisi sifatida faoliyat olib bormoqda. Mamlakatimizni ijtimoiy-iqtisodiy rivojlantirish yoʻlidagi xizmatlari uchun davlatimiz tomonidan “Mehnat shuhrati” ordeni bilan taqdirlangan.
Oʻzbekiston Milliy Olimpiya qoʻmitasi Rustam Shoabdurahmonovni tavallud ayyomi bilan tabriklab, u kishiga uzoq umr, sihat-salomatlik va ulkan muvaffaqiyatlar tilab qoladi.
