Terma jamoamiz “JAR”da Osiyo chempionatiga so‘nggi tayyorgarlikni boshladi
1-19 iyun kunlari mamlakatimiz 23 yoshgacha bo‘lgan futbolchilar o‘rtasidagi Osiyo chempionatiga mezbonlik qiladi. Unda ishtirok etadigan O‘zbekiston U23 terma jamoasi “JAR” stadionida musobaqadan oldin so‘nggi o‘quv-mashg‘ulot yig‘inini o‘tkazmoqda.
Yig‘in 28 mayga qadar davom etadi. Bosh murabbiy Temur Kapadze unga Parij-2024 Olimpiadasi uchun tayyorlanayotgan avlod vakillarida 30 nafar o‘z chizig‘idagi eng kuchli yigitlarni jalb qilgan. Tarkibda MTJga jalb etilayotgan “Nasaf” klubi o‘yinchilari Abduvohid Ne’matov, Husayn Norchayev, qolaversa, Ibrohimhalil Yo‘ldoshev, Odilbek Abdumajitov, Jasur Jaloliddinov kabi legionerlar, Hojimat Erkinov, Diyor Xolmatov kabi o‘z klubida yorqin o‘yin namoyish etayotgan yigitlarni uchratish mumkin.
Eslatib o‘tamiz, bo‘lajak musobaqada yoshlarimiz Turkmaniston, Qatar va Eron vakillari bilan bir guruhdan joy olishgan.
