Yengil atletika boʻyicha 4x100 metrga estafeta yugurishda Xitoy erkaklar terma jamoasi Tokio-2020 Olimpiya oʻyinlarining bronza medallarini qoʻlga kiritdi. Bu haqida XOQ rasman eʼlon qilgan.

Gap shundaki, musobaqada kumush medallarni qoʻlga kiritgan Buyuk Britaniya terma jamoasining vakili Chijindu Ujaning tahlilidan taqiqlangan modda chiqqan. Shu bois butun boshli jamoa kumush medaldan mahrum qilindi. Olimpiadada bronza medali bilan taqdirlangan kanadaliklarga kumush, toʻrtinchi oʻrinni egallagan xitoyliklarga esa bronza medali nasib etdi.

Qayd etish joiz, bu Xitoy uchun Olimpiadalarda estafeta dasturidagi birinchi, Afina-2004 Olimpiadasidan soʻng sprint yoʻnalishidagi ikkinchi medal boʻldi.