Oʻzbek boksi tarixida yangi sahifa ochgan jamoamiz kutib olindi
Turkiyaning Istanbul shahri 9-20-may kunlari boks boʻyicha ayollar oʻrtasidagi jahon chempionatiga mezbonlik qildi. Unda munosib ishtirok etib, ayollar boksida ilk bor medallarga sazovor boʻlgan qizlarimiz tunda yurtimizga qaytib kelishdi.
Elshod Rasulov boshchiligidagi jamoamizni Sportni rivojlantirish vazirligi, Oʻzbekiston boks federatsiyasi mutasaddilari Islov Karimov nomidagi Toshkent xalqaro aeroportida qarshi olishdi. Shuningdek, bokschilarimizning yaqinlari, OAV va koʻp sonli muxlislar ham ushbu tadbirda jam boʻlishdi.
Eslatib oʻtamiz, musobaqa ayollar boksidagi dunyo birinchiligida qoʻlga kiritilgan ilk medallar bilan tarixda qoldi. Murosasiz janglarda Aziza Yoqubova -50 kg, Mohira Abdullayeva +81 kg vazn toifalarida bronza medallarini qoʻlga kiritishdi. Shuningdek, yana 3 nafar vakilamiz yarim final ostonasigacha yetib borib, mamlakatimizda ayollar boksi jadal rivojlanib borayotganini koʻrsatishdi.
