21 May 2022
1488
Yengil atletikachilarimiz uchun ruhiy tayyorgarlikni kuchaytirish boʻyicha trening oʻtkazildi
Oʻzbekiston Milliy Olimpiya qoʻmitasi huzuridagi Respublika sport tibbiyoti ilmiy-amaliy markazi psixologlari Oʻzbekiston yengil atletika federatsiyasida boʻlib, milliy terma jamoa sportchilarning ruhiy tayyorgarligini oshirishga qaratilgan trening oʻtkazdilar.
Unda xalqaro maydonlarda ulkan yutuqlarga erishishda ruhiy jihatning ahamiyati tushuntirilib, atletlar mavzu boʻyicha ayrim tayyorgarlik usullari bilan tanishtirildi. Tadbir sportchilarimizda katta qiziqish uygʻotdi. Bunday yoʻnalishdagi treninglar keyinchalik barcha terma jamoalarimizda davom etadi.
Suhbat davomida sportchilarimiz mutaxassislarga oʻzlarini qiziqtirgan savollar bilan murojaat qilib, ularga atroflicha javob olishdi.
