Har yili “Nuroniy” jamgʻarmasi tomonidan uzoq yillar mamlakatimizning bir qator sohalarida samarali faoliyat olib borgan yurtdoshlarimizga turli darajadagi “Mehnat faxriysi” koʻkrak nishonlari topshirib kelinadi. Tashkilot Vasiylik kengashi bu yil ham bir guruh vatandoshlarimizni mazkur koʻkrak nishoni bilan mukofotlash toʻgʻrisidagi qarorini eʼlon qildi.

Ahamiyatlisi, ular orasida Olimpiya oilasi mutasaddilari ham boʻlib, Sodiq Safoyev, Salim Abduvaliyev, Igor Baraban, Elmar Aminov, Svetlana Babanina, Arslon Ilov, Bahodir Nazirov, Oʻtkir Kamilov, Rahmonberdi Ahmedov, Nodir Bahodirov, Azamjon Shokirjonov, Bahromjon Gʻafurov, Abduhalimjon Qutliyev, Iskandar Mavlyanov, Larisa Pavlova, Bahodir Tojiyev, Mirkamal Shakirov, Mirsardor Alimov kabi fidoyilar I darajali “Mehnat faxriysi” koʻkrak nishonlari bilan taqdirlanadigan boʻlishdi.

Oʻzbekiston Milliy Olimpiya qoʻmitasi mazkur mukofotga sazovor boʻlgan Olimpiya harakati ishtirokchilarini samimiy qutlab qoladi.