Turkiyada o‘tkazilayotgan boks bo‘yicha ayollar o‘rtasidagi jahon chempionatida hamyurtimiz Aziza Yoqubova yarim final jangini o‘tkazdi.

-50 kg vazn toifasidagi bokschimiz ushbu bosqichda kolumbiyalik Ingrit Valensiyaga qarshi jang qildi va 1:4 hisobida imkoniyatni boy berdi.

Shu tariqa, bokschimiz jahon chempionatining bronza medalini qo‘lga kiritdi. Qayd etish lozimki, bungacha O‘zbekiston ayollar terma jamoasi a’zolari kattalar o‘rtasidagi JChda medal qo‘lga kiritishmagan edi. Aziza bu borada birinchi bo‘ldi!