Regbi-7 boʻyicha “Talabalar ligasi” oʻz gʻoliblarini aniqladi
14-15-may kunlari poytaxtimizdagi Oʻzbekiston Milliy universiteti sport maydonida regbi-7 boʻyicha “Talabalar ligasi” turniri boʻlib oʻtdi. Unda mamlakatimizning 6 ta oliy oʻquv-yurtidan tashrif buyurgan jamoalar gʻoliblik uchun bahs olib bordi.
Bellashuvlar davomida barcha raqiblaridan har tomonlama ustun boʻlgan mezbonlar yakunda bosh sovrinni qoʻlga kiritishdi. Kumush medal Oʻzbekiston Davlat jismoniy tarbiya va sport universiteti jamoasiga nasib etgan boʻlsa, Urganch Davlat universiteti talabalari kuchli uchlikni yakunlab berishdi. Jamoalarning toʻliq oʻrni:
1. Oʻzbekiston Milliy universiteti
2. Oʻzbekiston Davlat jismoniy tarbiya va sport universiteti
3. Urganch Davlat universiteti
4. Nukus Davlat pedagogika instituti
5. Milliy gvardiya harbiy-texnik instituti
6. Jahon iqtisodiyoti va diplomatiya universiteti
