Gretsiyaning Iraklion shahrida og‘ir atletika bo‘yicha yoshlar o‘rtasidagi jahon chempionati o‘z yakuniga yetdi. Hamyurtlarimiz orasida so‘nggi bo‘lib +109 kg vazn toifasida Mirhosil Mirzaboyev supaga chiqdi va 3 ta kumush medalini qo‘lga kiritdi.

Ushbu vaznda chempionlik uchun kurash eronlik Alirizo Yusufi hamda Mirzaboyev o‘rtasida kechdi. Biroq yakunda siltab ko‘tarish mashqidagi ustunlik evaziga Yusufi g‘alabani ilib ketdi. Sportchimiz dast ko‘tarishda 176 kg, siltab ko‘tarishda 212 kg va ikki kurash bo‘yicha 388 kg natija qayd etdi.

Og‘ir atletika bo‘yicha U-20 JCh:
Yigitlar, +109 kg:
1. Alirizo Yusufi (Eron) – 416 (177+239) kg;
2. Mirhosil Mirzaboyev (O‘zbekiston) – 388 (176+212) kg;
3. Bogdan Taranenko (Ukraina) – 374 (167+204) kg.

Shu tariqa, terma jamoamiz mazkur musobaqani 5 ta oltin, 5 ta kumush va 2 ta bronza medali bilan yakunladi. O‘zbekiston Milliy Olimpiya qo‘mitasi ushbu ajoyib natija bilan O‘zbekiston og‘ir atletika federatsiyasi, sportchilarimiz va ularni tarbiyalagan murabbiylar, atletlarimizning yaqinlari va muxlislarimizni samimiy qutlab qoladi.