Og‘ir atletika bo‘yicha jahon chempionatida ikkinchi medal
Gretsiyaning Iraklion shahrida o‘tkazilayotgan og‘ir atletika bo‘yicha yoshlar o‘rtasidagi jahon chempionatida yana bir hamyurtimiz shohsupaga ko‘tarildi.
Musobaqada Hojiakbar Olimov siltab ko‘tarish mashqida kumush medalini qo‘lga kiritdi. -89 kg vazn toifasida ishtirok etgan vakilimiz ushbu mashqda 188 kg toshni ko‘tarishga muvaffaq bo‘ldi. Afsuski, dast ko‘tarishda unumli foydalanilmagan 2 va 3-urinishlar yakunda o‘z ta’sirini o‘tkazmay qolmadi. Ikki kurash bo‘yicha Olimov to‘rtinchi natijani qaydi etdi.
Og‘ir atletika bo‘yicha JCh, U-20
Yigitlar, -89 kg:
1. Maksim Dombrovski (Ukraina) – 345 (155+190) kg
2. Suren Grigoryan (Armaniston) – 340 (155+185) kg
3. Gamal Muhammad (Misr) – 339 (156+183) kg
4. Hojiakbar Olimov (O‘zbekiston) – 337 (149+188) kg
