Bugun o‘zbekistonlik sportchilar Tunis va Gretsiyada o‘tayotgan musobaqalarda yurtimiz sharafini himoya qilishadi. Xammamet (Tunis) shahri mezbonlik qilayotgan qilichbozlik bo‘yicha Jahon kubogi bosqichining saralash bahslaridan so‘ng Zaynab Dayibekova medallar uchun kurashish imkoniyatini saqlab qoldi. U bugun 1/64 final bosqichida yaponiyalik raqibasiga qarshi jang bilan musobaqani davom ettiradi. Shuningdek, Toshkent vaqti bilan 20:00 da og‘ir atletikachimiz Hojiakbar Olimov Gretsiyada o‘tayotgan yoshlar o‘rtasidagi jahon chempionatida -89 kg vazn toifasida oltin medal uchun supaga chiqadi.

Qilichbozlik bo‘yicha Jahon kubogi
1/64 final: Zaynab Dayibekova – Risa Takashima (Yaponiya)

Og‘ir atletika bo‘yicha U-20 JCh:
-89 kg: Hojiakbar Olimov (20:00)