MOQ qoshida tashkil etilgan “Olimpik” futbol klubi O‘zbekiston Coca-Cola Superligasining 7-tur uchrashuvini o‘tkazdi. Bu gal Temur Kapadze shogirdlari samarqandlik “dinamochilar”ni qabul qabul qilishdi.

Uchinchi daqiqada darvozabonimiz tomonidan yo‘l qo‘yilgan xatodan unumli foydalangan Shohmalik Komilov mehmonlarni hisobda oldinga olib chiqdi. Oradan ko‘p o‘tmay “Olimpik” yetakchilaridan biri Otabek Jo‘raqo‘ziyev oradagi muvozanatli tikladi. 82-daqiqada “Dinamo” o‘yinchisi Jo‘rabek Mannonov maydondan chetlatildi. Uchrashuvning qolgan qismida “Olimpik” son jihatdagi ustunlikdan foydalana olmadi va tomonlar o‘z hisoblariga 1 ochkodan qo‘shib qo‘yishdi.

“Olimpik" - “Dinamo” 1:1
Gollar: Shohmalik Komilov, 3’ (0:1), Otabek Jo‘raqo‘ziyev, 8’ (1:1)
Chetlatish: Jo‘rabek Mannonov, 82’ (“Dinamo”)

Ushbu uchrashuvdan so‘ng “olimpiyachilar” hisobidagi ochkolar soni 7 taga yetdi. Endi jamoamiz keyingi bahsni 10 may kuni safarda “Neftchi”ga qarshi o‘tkazadi.