Boks bo‘yicha ayollar o‘rtasidagi jahon chempionatida qatnashadigan tarkibimiz ma’lum
9-20 may kunlari Turkiyaning Istanbul shahrida boks bo‘yicha ayollar o‘rtasidagi jahon chempionati o‘tkaziladi. O‘zbekiston terma jamoasining ushbu musobaqada ishtirok etadigan tarkibi ma’lum bo‘ldi.
Qayd etish joiz, musobaqa o‘tgan yilning dekabr oyida o‘tkazilishi lozim edi. Biroq koronavirus pandemiyasi sabab bir necha oy ortga surildi. O‘zbekiston boks federatsiyasining ma’lum qilishicha, vakillarimiz JChda quyidagi tarkibda ishtirok etadi:
-48 kg: Marjona Savriyeva
-50 kg: Aziza Yoqubova
-52 kg: Tursunoy Rahimova
-54 kg: Nozima Bulturova
-57 kg: Setora Turdibekova
-60 kg: Mohinabonu Abdullayeva
-66 kg: Navbahor Hamidova
-70 kg: Xadichabonu Abdullayeva
-75 kg: Mavluda Mavlonova
+81 kg: Mohira Abdullayeva
Bosh murabbiy: Elshod Rasulov
Murabbiylar: Ziyaviddin Tayganbayev, To‘lqin Turg‘unov, Islom Tojiboyev, Sharif Narzikulov, Sahida Yoqubova.
Terma jamoamiz hozirda so‘nggi tayyorgarlik bosqichini olib bormoqda va 6 may kuni Turkiya safariga yo‘l oladi.
