6 may kuni poytaxtimizdagi “O‘zbekiston” xalqaro anjumanlar saroyida Osiyo Olimpiya kengashi rahbariyati jam bo‘ladi. Birinchi marta mamlakatimizda o‘tkaziladigan Tashkilotning Ijroiya qo‘mitasi yig‘ilishida qit’amiz sporti kelajagiga oid muhim masalalar, jumladan, Xanchjou-2022 Osiyo o‘yinlari, Shantou-2021 III yoshlar Osiyo o‘yinlarining tashkiliy masalalari yuzasidan muhokamalar o‘tkaziladi. Shuningdek, yig‘ilish kun tartibidan “Toshkent-2025” IV yoshlar Osiyo o‘yinlariga ko‘rilayotgan tayyorgarlikning taqdimot loyihasi o‘rin olgan. Tadbir tafsilotlarini biz bilan kuzatib boring.