3 May 2022
2302
Rossiyalik yosh tennischilar Toshkentda yig‘in o‘tkazishdi
Tennis bo‘yicha Rossiya U-14 terma jamoasi poytaxtimizdagi Respublika Olimpiya zaxiralari tennis maktabida yig‘in o‘tkazdi. Ahamiyatlisi, ushbu safar uchun tashrif buyurgan jamoaga Rossiya tennis federatsiyasi prezidenti Shamil Tarpishev rahbarlik qildi.
Rossiyalik yosh sportchilar 3 hafta davomida hamyurtlarimiz bilan o‘zaro tajriba almashishdi. Mazkur yig‘in har ikki terma jamoa vakillarining texnik va jismoniy holatlarini yanada yaxshilash yo‘lida muhim ahamiyat kasb etdi. Shuningdek, sportchilar ushbu vaqt oralig‘ida ITF J5 turnirida ham o‘zaro kuch sinashdilar.
O‘zbekiston tennis federatsiyasining ma’lum qilishicha, rossiyalik raketka ustalari Toshkent yig‘inini yakunlab, bugun tongda o‘z yurtlariga qaytib ketishdi.
