2-10 may kunlari Gretsiyaning Iraklion shahrida og‘ir atletika bo‘yicha yoshlar o‘rtasidagi jahon chempionati bo‘lib o‘tadi. Bugun tongda mazkur musobaqada yurtimiz sharafini himoya qiladigan jamoamiz Yunoniston safariga yo‘l oldi.

Dunyo birinchiligida 6 nafar vakilimiz ishtirok etadi. Ular orasida kattalar o‘rtasidagi jahon chempioni Tursunoy Jabborova, shuningdek, Hojiakbar Olimov, Mirhosil Mirzaboyev kabi iqtidor egalarni ham uchratish mumkin. To‘liq tarkibimiz esa quyidagicha:

-73 kg: Og‘abek To‘xtayev
-89 kg: Hojiakbar Olimov
-102 kg: Sharofiddin Amriddinov
+109 kg: Mirhosil Mirzaboyev
-55 kg: Jamila Panfilova
-87 kg: Tursunoy Jabborova

O‘zbekiston Milliy Olimpiya qo‘mitasi yosh jamoamizga bo‘lajak musobaqada omad tilaydi.