Ayni kunlarda Mudofaa vazirligi sport kompleksi va Chirchiq Oliy tank qo‘mondonlik-muhandislik bilim yurti sport majmuasida O‘zbekiston Respublikasi Mudofaa vazirligi qo‘shinlari o‘rtasida 9 may “Xotira va qadrlash kuni”ga bag‘ishlab regbi-7 bo‘yicha Respublikasi turniri o‘tkazilmoqda.

Musobaqada Respublikamizning 4 harbiy okrugi (Markaziy, Toshkent, Janubi-g‘arbiy, Sharqiy), Havo hujumidan mudofaa qo‘shinlari va harbiy havo kuchlari, O‘zbekiston Respublikasi Qurolli kuchlari akademiyasi, Chirchiq Oliy tank qo‘mondonlik-muhandislik bilim yurti jamoalari ishtirok etmoqda.

Turnir 30 aprelga qadar davom etadi. Uni o‘tkazish orqali harbiylarimizning jismoniy holatini yaxshilash, ulardagi ruhiy jangovorlikni kuchaytirish, askarlar o‘rtasida iqtidorli regbichilarni terma jamoa uchun seleksiya qilish ko‘zda tutilgan.