O‘zbek sporti rivojiga hissa qo‘shgan faxriylarimizni taqdirlash davom etadi. Bu gal O‘zbekiston Milliy Paralimpiya qo‘mitasi xodimlari e’tibor markazida bo‘lishdi.

Tadbirda Bahodir Maxsitov boshchiligidagi O‘zbekiston sport faxriylari kengashi a’zolari, Milliy Paralimpiya qo‘mitasi raisi o‘rinbosari Otabek Ergashev va Qo‘mitaning boshqa mutasaddilari ishtirok etishdi.

Yig‘ilganlar o‘zbek sporti, xususan, Paralimpiya sporti rivojiga uzoq yillardan beri hissa qo‘shib kelayotgan Olimjon Shodiyev va Dilbar Karimovaning mehnatlarini alohida tilga olishdi. Yakunda Bahodir Maxsitov ushbu ikki mutaxassisga "O‘zbekiston sport faxriysi" ko‘krak nishonini topshirdi.