Mo‘g‘uliston poytaxtida sport kurashlari bo‘yicha Osiyo chempionati qizg‘in pallasiga kirdi. Bugun erkin kurashchilar o‘rtasida g‘olib va sovrindorlari aniqlandi.

Unda gilamga chiqqan 5 nafar hamyurtimiz orasida Abbos Rahmonov -65 kg vazn toifasida bronza medaliga sazovor bo‘ldi. Navoiylik kurashchimiz ushbu bosqichda bahraynlik Hoji Alini 9:0 hisobida dog‘da qoldirdi.

Afsuski, bugun medal kutilgan G‘ulomjon Abdullayev (-57 kg) va Muhammadrasul Rahimov (-97 kg) bronza medali uchun kurashish bosqichida, Jasur Usmonohunov (-79 kg) va Begijon Quldoshev (-70 kg) saralashda imkoniyatni boy berib qo‘yishdi.