22 Aprel 2022
1164
Kurashchi qizlarimiz Osiyo chempionatini bitta bronza medali bilan tugatishdi
Mo‘g‘ulistonning Ulan-Bator shahrida sport kurashlari bo‘yicha Osiyo chempionatining to‘rtinchi kungi bahslari yakunlandi.
Afsuski, biroz avval bronza medali uchun kechgan bellashuvlarda hamyurtlarimiz Aktenge Keunimjayeva (-53 kg) qozog‘istonlik Juldiz Eshimovaga, Shohida Ahmedova (-57 kg) mo‘g‘ulistonlik Bolortuya Xurelxuga, Nabira Esenbayeva (-62 kg) yana bir mezbonlar vakilasi Xongorzul Boldsaixanga imkoniyatni boy berib qo‘ydi.
Shu tariqa, O‘zbekiston ayollar erkin kurash terma jamoasi Osiyo chempionatidagi ishtirokini Jasmina Immayeva (-50 kg) tomonidan qo‘lga kiritilgan bitta bronza medali bilan yakunladi. Ertadan erkin kurashchilar o‘rtasidagi bellashuvlar boshlanadi.
