Toshkentda o‘tayotgan badiiy gimnastika bo‘yicha Jahon kubogining ikkinchi kuni terma jamoamiz uchun muvaffaqiyatli o‘tmoqda. Taxmina Ikromovaning oltin “pochin”idan so‘ng delegatsiyamiz hisobiga yana bir medal yozildi.

Parij-2024 Olimpiadasi uchun shakllangan guruh mashqidagi qizlarimiz 3 tasma va 2 ta to‘pdagi dasturda kumush medalga sazovor bo‘lishdi. Vakilalarimizning chiqishi hakamlar hay’ati tomonidan 48.05 ballga baholandi. Bu borada faqat Bolgariya jamoasidagina bizdan yuqori raqamlarni uchratish mumkin.

Badiiy gimnastika bo‘yicha Jahon kubogi
Guruh mashqi, 3 ta tasma va 2 ta to‘p

1. Bolgariya – 53.95
2. O‘zbekiston – 48.05
3. Qozog‘iston – 45.60