Bugun Singapurda yengil atletika bo‘yicha mamlakat ochiq chempionati start oldi. Quvonarlisi, unda ishtirok etgan hamyurtimiz Roksana Xudoyorova uch hatlab sakrash dasturida oltin medalni qo‘lga kiritdi.

Mahoratli atletimiz mazkur turnirda 13,76 metr natija qayd etishga muvaffaq bo‘ldi. Bu uning oy boshida Sidneydagi Avstraliya ochiq chempionatida sakragan ko‘rsatkichidan (13.54) yuqori natija bo‘ldi. Shu tariqa, Tokio-2020 ishtirokchisi Xudoyorova o‘z sovrinlari orasiga uchinchi mamlakat (O‘zbekiston, Avstraliya, Singapur) ochiq chempionatidagi g‘alabasini qo‘shib qo‘ymoqda.