Yana bir necha soatdan so‘ng poytaxtimizda badiiy gimnastika bo‘yicha Jahon kubogining navbatdagi bosqichi boshlanadi. Yunusobod tumanidagi Gimnastika saroyida o‘tadigan musobaqada ayni paytdagi dunyoning eng kuchli nafis sport vakilalari jam bo‘lishdi.

Reglamentga ko‘ra, bugun 14:30 dan sportchilar saralash doirasidagi chiqishlarini boshlashadi. Dastlab xalqa va to‘pda yakkalik, so‘ng guruh mashqining 5 ta xalqadagi yo‘nalishi bo‘yicha kvalifikatsion bahslari o‘tkaziladi. Soat 18:00 da esa musobaqaning tantanali ochilish marosimi bo‘lib o‘tishi rejalashtirilgan.

Eslatib o‘tamiz, turnirda Sabina Tashkenbayeva hamda Taxmina Ikramova yakkalik dasturida, Shahzoda Ibragimova, Nargiza Jumaniyazova, Nilufar A’zamova, Mumtoza Ishoqzoda, Mariya Pak hamda Xurshida Abduraufova guruh mashqlarida yurtimiz sharafini himoya qilishadi. Bo‘lajak bahslarda qizlarimizga omad tilaymiz!