11 Aprel 2022
2326
Chavandozimiz Barselonadagi turnir g‘olibiga aylandi
Ispaniyaning Barselona shahrida konkur bo‘yicha xalqaro musobaqa bo‘lib o‘tdi. Sara chavandozlar ishtirokidagi bahslar hamyurtimizning g‘alabasi bilan yakunlandi.
Turnirda to‘siqlar balandligi 145 smni tashkil etdi. “GO FOUR IT B” tulporida ishtirok etgan Abdurahmon Abdullayev eng yaxshi natijani qayd etib, musobaqa g‘olibiga aylandi. Ikkinchi va uchinchi o‘rinlar Portugaliya va Latviya vakillariga nasib etdi.
O‘zbekiston Milliy Olimpiya qo‘mitasi sportchimizni ushbu muvaffaqiyati bilan tabriklab, unga kelgusi startlarda ham zafarlar tilab qoladi.
