Ruminiyada boks bo‘yicha "Golden Belt" nomli xalqaro turnir o‘z yakuniga yetdi. Unda ishtirok etgan O‘zbekiston terma jamoasi 6 ta oltin medal bilan umumjamoa hisobida birinchi o‘rinni qo‘lga kiritdi.

Ma’lum qilganimizdek, musobaqada 10 nafar bokschimiz final yo‘llanmasini qo‘lga kiritgan va 3 ta vaznda o‘zbek o‘g‘lonlarining chempionlik uchun o‘zaro ringga ko‘tarilishi jamoamiz kamida 3 ta oltin medalni naqd qilishidan dalolat berar edi. Yakunda bokschilarimiz 6 ta oltin, 4 ta kumush va 3 ta bronza medallarini qo‘lga kiritishdi. Shubhasiz, bunday natijaga turnirda ishtirok etgan hech qaysi jamoa yaqinlasha olmadi. Ruminiyadagi musobaqada g‘olib va sovrindor bo‘lgan bokschilarimiz:

Oltin:
-48 kg: Asilbek Jalilov
-54 kg: Shahzod Muzaffarov
-67 kg: Javlon Yuldashev
-75 kg: Saidjamshid Ja’farov
-80 kg: Dilshod Ro‘zmetov
+92 kg: Lazizbek Mullajonov

Kumush:
-75 kg: Abdulaziz Abdupattayev
-80 kg: Odiljon Aslonov
-92 kg: Diyor O‘ralov
+92 kg: Jahongir Zokirov

Bronza:
-57 kg: Dilshod Abdumurodov
-60 kg: Shunqor Abdurasulov
-63,5 kg: Shoxruhbek Kenjayev

O‘zbekiston Milliy Olimpiya qo‘mitasi O‘zbekiston boks federatsiyasi va jamoamizni mazkur musobaqada vatanimiz sharafini munosib himoya qilib, yigitlarimizning umumjamoa hisobida birinchi o‘rinni qo‘lga kiritgani bilan samimiy tabriklaydi.