Abdumalik Xalakovni tabriklaymiz!
Bugun boks bo‘yicha O‘zbekiston terma jamoasi a’zosi Abdumalik Xalakov o‘z tavallud ayyomini nishonlamoqda.
Abdumalik Xalakov 2000 yil 8 aprel kuni Buxoro viloyatida tug‘ilgan. Buenos-Ayres-2018 o‘smirlar Olimpiadasi chempioni. Bokschimiz yoshlar o‘rtasida jahon va Osiyo chempionatida g‘alaba qozongan. 2019 va 2020 yili kattalar o‘rtasidagi O‘zbekiston chempioni. 2019 yil mamlakat birinchiligida o‘sha yili ilk bor musobaqaning eng yaxshi bokschisiga ta’sis etilgan "Rufat Risqiyev sovrini"ga loyiq ko‘rilgan. 2021 yil Serbiya poytaxtida o‘tgan kattalar o‘rtasidagi jahon chempionatida kumush medalga sazovor bo‘lgan.
O‘zbekiston Milliy Olimpiya qo‘mitasi Abdumalik Xalakovni tavallud ayyomi bilan tabriklab, bokschimizga uzoq umr va mustahkam sog‘liq tilab qoladi.
