5-10 aprel kunlari Ruminiyaning Tirgu-Muresh shahrida boks bo‘yicha Nikolaye Linka xalqaro turniri bo‘lib o‘tadi. Musobaqada O‘zbekiston terma jamoasi bokschilari ham ishtirok etishadi.

Bugun tongda musobaqada ishtirok etadigan sportchilarimiz Ruminiyaga jo‘nab ketishdi.Tarkibda Tokio-2020 ishtirokchisi Dilshod Ro‘zmetov, Osiyo chempioni Saidjamshid Ja’farov, Osiyo o‘yinlari sovrindori Shunqor Abdurasulov kabi tajribali bokschilarimizni uchratish mumkin. Terma jamoamiz turnirga quyidagi tarkibda yo‘l oldi:

-48 kg: Asilbek Jalilov
-54 kg: Shahzod Muzaffarov
-57 kg: Dilshod Abdumurodov
-60 kg: Shunqor Abdurasulov
-63,5 kg: Shohruhbek Kenjayev
-67 kg: Javlon Yo‘ldashev
-71 kg: Kamron Turg‘unboyev
-75 kg: Saidjamshid Ja’farov
-75 kg: Abdulaziz Abdupattayev
-80 kg: Dilshod Ro‘zmetov
-80 kg: Odiljon Aslonov
-86 kg: Timur Merjanov
-92 kg: Diyor O‘ralov
+92 kg: Lazizbek Mullojonov
+92 kg: Jahongir Zokirov

Murabbiylar: Rahmatjon Ro‘zioxunov, Farrux Qilichev, Abduvohid Jalolov, Alisher To‘ychiyev.