5 Aprel 2022
1723
MOQ Otabek Imamovni qutlaydi
Bugun O‘zbekiston kamondan otish federatsiyasi raisining birinchi o‘rinbosari Otabek Imamov tavallud ayyomini nishonlamoqda.
Otabek Sobitjonovich Imamov 1981 yil 5 aprel kuni Toshkent shahrida tavallud topgan. Bir necha yildirki, O‘zbekiston kamondan otish federatsiyasi rahbariyati tarkibida samarali faoliyat olib bormoqda. Ushbu mutaxassis qo‘l ostida kamonchilarimiz ilk bor Osiyo chempionatida kuchli to‘rtlikka (2019 yil) kira olishdi. Hozirda terma jamoamizni Xanchjou-2022 yozgi Osiyo o‘yinlariga har tomonlama munosib tayyorlashda jonbozlik ko‘rsatmoqda.
O‘zbekiston Milliy Olimpiya qo‘mitasi Otabek Sobitjonovichni bugungi tavallud kuni bilan tabriklab, unga uzoq umr, mustahkam sog‘lik va ulkan muvaffaqiyatlar tilab qoladi.
