Shomurodovning xet-trigi jamoamizni “Navruz Сup-2022” gʻolibiga aylantirdi
Namanganda futbol boʻyicha tashkil etilgan “Navruz Сup-2022” oʻz yakuniga yetdi. Unda bosh sovrin uchun Uganda jamoasiga qarshi maydonga tushgan Oʻzbekiston MTJ ishonchli gʻalabaga erishdi.
Uchrashuvda jamoamiz 4:2 hisobida gʻalaba qozondi. Dastlab Jaloliddin Masharipov hisobni ochgan boʻlsa, bahs davomida Eldor Shomurodov 3 bor raqib darvozasini ishgʻol qildi. Ushbu gollarga mehmonlar 2 bor javob qaytara olishdi.
“Navruz Сup-2022”, final
Oʻzbekiston – Uganda 4:2
Gollar: Jaloliddin Masharipov 35ʻ, Eldor Shomurodov 39ʻ, 55ʻ, 72ʻ – Faruku Miya 52ʻ, Emanuel Okvi 78ʻ
Qayd etish joiz, Dubaydagi musobaqada Vyetnamga qarshi maydonga tushgan yoshlarimiz ham gʻalaba qozonishdi. Jasur Jaloliddinovning jarimadan kiritgan super goli bahs taqdirini hal qildi.
