29 Mart 2022
1369
Yanina Kuskova Osiyo chempionatidagi uchinchi medalini qoʻlga kiritdi
Bugun Tojikistonda veloshosse boʻyicha Osiyo chempionatining eng qiziqarli dasturi – kattalar va 23 yoshgacha boʻlgan sportchilar oʻrtasida guruh poygasi bahslari boʻlib oʻtmoqda. Quvonarlisi, ushbu dasturda ham yurtdoshlarimiz shohsupaga koʻtarilishdi.
23 yoshgacha boʻlgan qizlar bahsida Yanina Kuskova bronza medalini qoʻlga kiritdi. 111 km masofaga kechgan poygada hamyurtimiz 3:11:37 vaqt koʻrsatdi. Ushbu dasturdagi oltin va kumush medallar qozogʻistonlik sportchilar Akpelil Ossim hamda Svetlana Pashenkoga nasib etdi. Shuningdek, mazkur poygada Yaninaning singlisi Anna toʻrtinchi, Shahnoza Abdullayeva yettinchi boʻlib marra chizigʻini bosib oʻtishdi.
