Bugun poytaxtimizdagi Respublika Olimpiya zaxiralari kollejida suzish boʻyicha 2007-2008-yillarda tavallud topgan sportchilar oʻrtasida Oʻzbekiston chempionati start oldi.

2-aprelga qadar oʻtadigan mazkur musobaqada Toshkent shahri, Qoraqalpogʻiston Respublikasi, shuningdek, Samarqand, Andijon, Fargʻona, Buxoro, Jizzax, Qashqadaryo, Xorazm, Sirdaryo, Namangan va Navoiy viloyatlaridan kelgan sportchilar sovrinli oʻrinlar uchun kurash olib boradilar.

Bugun oʻtkaziladigan musobaqada sportchilar 100 va 1500 metr masofaga erkin, 200 metr masofaga batterflyay va 4x100 metrga miks estafeta bahslarida oʻz mahoratlarini koʻrsatadilar.