Tojikistonda o‘tayotgan veloshosse bo‘yicha qit’a birinchiligining navbatdagi kunida terma jamoamiz yana bir oltin medalni qo‘lga kiritdi. Bugun yoshlar o‘rtasidagi guruh poygasi hamyurtimiz Sofiya Karimovaning g‘alabasi bilan yakunlandi.

61 km masofaga kechgan poygada vakilamiz 1 soat 36:45 daqiqa ichida marraga yetib keldi. Qayd etish joiz, finish yo‘lida qozog‘istonlik Alina Spirina vakilamizga jiddiy raqobat tug‘dirdi. So‘nggi kilometrlarda, ayniqsa, finish to‘g‘ri chizig‘ida kechgan duelda Karimova raqibasidan ustun keldi.

Veloshosse bo‘yicha OCh, Tojikiston.
Guruh poygasi, qizlar:

1. Sofiya Karimova (O‘zbekiston) – 1:36:45
2. Alina Spirina (Qozog‘iston) – 1:36:45
3. Darya Kazakbay (Qozog‘iston) – 1:40:39