Vyacheslav Didrixni tabriklaymiz!
Bugun Oʻzbekiston ROWING&CANOE federatsiyasi bosh kotibi Vyacheslav Didrix tavallud ayyomini nishonlamoqda.
Vyacheslav Sergeyevich Didrix 1990-yil 28-mart kuni Sirdaryo viloyatida tugʻilgan. Akademik eshkak eshish boʻyicha 2010-yil Guanjouda oʻtkazilgan Osiyo oʻyinlarining kumush medal sohibi, jahon chempionati, jahon kubogi bosqichlari ishtirokchisi. 2015-yil Respublika Olimpiya zaxiralari kollejida akademik eshkak eshish boʻlimining ochilishida uning katta hissasi bor. 2018-yildan Oʻzbekiston ROWING&CANOE federatsiyasi bosh kotibi lavozimida samarali faoliyat olib bormoqda.
Oʻzbekiston Milliy Olimpiya qoʻmitasi Vyacheslav Didrixni bugungi tavallud ayyomi bilan muborakbod etib, uning faoliyatida muvaffaqiyatlar va mustahkam salomatlik tilab qoladi.
