Qatarda basketbolning 3x3 yo‘nalishi bo‘yicha Jahon kubogi yo‘llanmasi uchun Osiyo mintaqasining saralash musobaqasi bo‘lib o‘tdi. Unda ayollar jamoamiz finalgacha yetib bordi.

Reglamentga ko‘ra, faqat g‘olib jamoa mazkur yo‘llanmaga ega chiqar edi. Yarim finalda eronlik raqibalarini 21:11 hisobida dog‘da qoldirgan qizlarimiz finalda Yangi Zelandiyaga 12:19 hisobida imkoniyatni boy berishdi. Ahamiyatlisi, erkaklar o‘rtasidagi bahs ham yangi zelandiyalik basketbolchilarning g‘alabasi bilan yakunlandi. Ular finalda eronlik raqiblaridan 21:20 hisobida ustun kelishdi.

3x3 basketbol, Jahon kubogiga saralash
Erkaklar, final:
Yangi Zelandiya – Eron 21:20

Ayollar, final:
Yangi Zelandiya – O‘zbekiston 19:12