Poytaxtimizdagi “Saxovat sport servis” suzish havzasida sinxron suzish boʻyicha Oʻzbekiston chempionati boʻlib oʻtmoqda. Musobaqa doirasida sportchi va murabbiylar uchun mahorat saboqlari ham oʻtkazilyapti.

Oʻzbekiston terma jamoasi bosh murabbiy Dinara Ibragimova, terma jamoa murabbiylari Oksana Bortnikova va Elmira Fayzullayeva tomonidan olib borilayotgan mahorat saboqlarini tashkil etishdan koʻzlangan maqsad, joylarda faoliyat olib borayotgan murabbiylar hamda sportchilarning nazariy va amaliy bilimlarini yanada oshirishdan iboratdir.

Oʻzbekiston chempionatining ikkinchi kungi (25-mart) bahslari yakunlangach, sportchi va murabbiylar uchun maxsus seminar ham tashkil etiladi.