Osiyo chempionatida qatnashadigan velosportchilarimizning tarkibi aniq
25-29 mart kunlari Tojikiston poytaxti Dushanbe shahrida velosportning shosse yo‘nalishi bo‘yicha Osiyo chempionati bo‘lib o‘tadi. Terma jamoamiz murabbiylar shtabi mazkur musobaqada yurtimiz sharafini himoya qiladigan sportchilarimizni e’lon qildi. Tarkibga Murodjon Xolmurodov, Yanina Kuskova kabi yetakchilar va yana 17 nafar sportchimiz jalb qilingan. Reglamentga ko‘ra, mazkur musobaqa kattalar, shuningdek, 23 va 20 yoshgacha bo‘lgan sportchilar va para-atletlar o‘rtasida o‘tkaziladi. Asosiy jamoamizning tarkibi quyidagicha:
Erkaklar, kattalar:
Murodjon Xolmurodov
Akrom Sunnatov
Daniil Yevdakimov
Ulug‘bek Saidov
U-23:
Aleksey Fomovskiy
Konstantin Elli
Nikita Stenkovoy
Begzod Rahimboyev
U-20:
Samandar Sultonov
Davir Abdurahmonov
Diyor Tohirov
Farruh Bobosherov
Ayollar, kattalar:
Nafosat Koziyeva
Madina Qahhorova
Margorita Misyurina
U-23:
Yanina Kuskova
Shahnoza Abdullayeva
Anna Kulikova
U-20:
Anna Kuskova
Sofiya Karimova
Asal Rizayeva
Sevinch Yo‘ldosheva.
Ta’kidlash joiz, bu 2019 yil Toshkentdan so‘ng o‘tkazilayotgan birinchi Osiyo chempionati hisoblanadi. 2020 va 2021 yilga mo‘ljallangan qit’a birinchiliklari pandemiya sabab bekor qilingan edi.
