23 Mart 2022
1447
Dzyudochilarimiz Samarqandda yig‘in o‘tkazishmoqda
Nurali Qobulov murabbiyligidagi dzyudo bo‘yicha terma jamoamiz ayni kunlarda Samarqand shahrida o‘quv-mashg‘ulot yig‘ini uchun jam bo‘lgan. O‘zbekiston dzyudo federatsiyasining ma’lum qilishicha, ushbu yig‘in 18 mart kuni boshlangan bo‘lib, 30 martga qadar davom etadi. Mazkur mashg‘ulotlar terma jamoamiz a’zolariga Antaliya “Katta dubulg‘a” turniri uchun tayyorgarlik vazifasini o‘tab beradi.
Terma jamoamizning mashg‘ulotlari o‘tgan yili O‘zbekiston dzyudo federatsiyasi tomonidan foydalanishga topshirilgan 7-umumta’lim maktabi hududidagi yangi va zamonaviy dzyudo zali hamda Samarqand Olimpiya zaxiralari kollejida o‘tkazilyapti. Yig‘inda terma jamoamizning asosiy va zaxira tarkibidagi 15 nafar sportchisi qatnashmoqda.
