Slalomchilarimiz Osiyo chempionatini oltita medal bilan boshlashdi
Tailandning Banchang shahrida slalomda eshkak eshish bo‘yicha turli yosh toifalaridagi qit’a chempionati bo‘lib o‘tmoqda. Quvonarlisi, bugungi bahslarda terma jamoamiz 6 ta medalga sazovor bo‘ldi.
Musobaqada kattalar o‘rtasida baydarka slalomining yakkalik va uchlik dasturida, shuningdek, U-23 toifasidagi yakkalik yo‘nalishida startga chiqqan yigitlarimizning ishtirokini alohida ta’kidlash joiz. Boisi ushbu yo‘nalishlarda terma jamoamiz oltin medallarga sazovor bo‘ldi. Bugun shohsupaga ko‘tarilgan hamyurtlarimiz va ularning yo‘nalishlari haqida batafsil:
Oltin medal:
K1x3 Senior: Jonibek Temirgaliyev, Barkamol Mirzahamdamov, Aleksandr Voroshilov
K1 U23: Jonibek Temirgaliyev
K1 Senior: Barkamol Mirzahamdamov
Kumush medal:
C1 Senior: Alibek Temirgaliyev
Bronza medal:
C1x3 Senior: Alibek Temirgaliyev, Abubakr Bukanov, Sherzod Qurbonaliyev
C1 U18: Sherzod Qurbonaliyev
