20 Mart 2022
1380
Qohiradan xushxabar davom etadi
Misr poytaxtida oʻtkazilayotgan sport gimnastikasi boʻyicha Jahon kubogining uchinchi bosqichida terma jamoamiz navbatdagi medalni qoʻlga kiritgan. Bu gal yosh umidli vakilamiz Dildora Aripova sovrindorlar qatoridan joy oldi.
Erkin mashq dasturida ishtirok etgan Aripova oʻzining texnik jihatdan ancha murakkab boʻlgan chiqishini maromida bajara oldi va yakunda kumush medalni qoʻlga kiritdi. Vakilamiz faqatgina vengriyalik Dorina Boyetsoyegodan ortda qoldi xolos. Kuchli uchlikka kanadalik Lauri Denomi yakun yasab berdi.
Eslatib oʻtamiz, kecha tayanib sakrash dasturida Oksana Chusovitina ham kumush medalni qoʻlga kiritgan edi. Shu tariqa, delegatsiyamiz mazkur musobaqada 2 ta kumush medalni qoʻlga kiritib turibdi.
