Yunon-rum kurashchilarimiz Issiqko‘ldagi xalqaro yig‘inda ishtirok etishmoqda
Shu kunlarda yunon-rum kurashi bo‘yicha terma jamoamiz Qirg‘izistonning Issiqko‘l shahrida bo‘lib turibdi. Ravshan Ro‘ziqulov qo‘l ostidagi polvonlarimiz qo‘shni davlatda tashkil etilayotgan xalqaro o‘quv-mashg‘ulot yig‘inida o‘z mahoratlarini oshirishmoqda. O‘n ikki nafar kurashchidan iborat terma jamoamizning mashg‘uloti 26 martga qadar davom etadi. Mazkur yig‘in kelasi oy Mo‘g‘uliston poytaxti Ulan-Bator shahrida o‘tkaziladigan Osiyo chempionatiga tayyorgarlik vazifasini o‘tab beradi. Mashg‘ulotlarda Qirg‘iziston va Qozog‘iston terma jamoalari ham qatnashishyapti.
Terma jamoamiz tarkibi:
55 kg: Jasur Ortiqboyev
60 kg: Ilhom Bahromov
60 kg: Feruz To‘xtayev
63 kg: Islom Bahromov
67 kg: Mahmud Baxshilloyev
67 kg: Abror Atabayev
72 kg: Mirzobek Rahmatov
77 kg: Aram Vardanyan
82 kg: Muhammadqodir Rasulov
87 kg: Jalgasbay Berdimuratov
87 kg: Nurbek Xoshimbekov
130 kg: Mo‘minjon Abdullayev
Bosh murabbiy - Ravshan Ro‘ziqulov
Murabbiy - Elmurat Tasmuradov
Massajchi - Uzrob Tursunaliyev
