Og‘ir atletika: O‘smirlar o‘rtasidagi bahslar yakunlandi, navbat kattalarga
Xorazmda o‘tayotgan og‘ir atletika bo‘ycha O‘zbekiston chempionatida o‘smirlar toifasidagi bellashuvlar nihoyasiga yetdi. So‘nggi kunda og‘ir vazn toifasidagi polvonlarimiz chempionlik uchun kurash olib borishdi. Unda Andijon va Toshkent viloyati vakillari ajoyib chiqishlari bilan oltin medallarni qo‘lga kiritishdi.
-96 kg: Humoyun Sotvoldiyev (Andijon) - 280 (130+150) kg
-102 kg: Qudratbek Salimjonov (Andijon) - 320 (145+175) kg
+102 kg: Nurbo‘l Abdurashidov (Toshkent vil) - 300 (135+165) kg.
O‘smirlar toifada mezbonlar 4 ta oltin, 4 ta kumush va 3 ta bronza medallari bilan umumjamoa hisobidagi yetakchilikni oxirigacha saqlab qola olishdi. 4 ta oltin, 1 ta kumush va 2 bronza medali bilan andijonlik polvonlar ikkinchi natijani qayd etgan bo‘lsalar, 3 ta oltin va 2 bronza medalini jamg‘argan Buxoro viloyati kuchli uchlikni yakunlab berdi.
Bugundan kattalar o‘rtasidagi bellashuvlar boshlanadi.
